Udhëheqësi i Listës Srpska në Kosovë, Aleksandar Jablanovic, pas takimit me kryesuesen e Kuvendit të Kosovës, Flora Brovina, ka kërkuar shtyrjen e seancës menjëherë pas marrëveshjes në mes të LAN-it (LDK-AAK-NISMA) dhe VV-së.
“Pas nënshkrimit të marrëveshjes LDK-AAK-Nisma me Vetëvendosjen, duke e ditur se VV-ja është subjekt që kërkon anulimin e marrëveshjeve të Brukselit me Serbinë, pjesëmarrja jonë në këtë koalicion në këto rrethana të reja është i pamundur. Ne kërkojmë që të kemi konsultime shtesë me Beogradin, por edhe me subjektet e tjera relevante politike në Kosovë për të ardhmen tonë”, ka thënë ai. /Telegrafi/