Gjyqtari amerikan, i cili ka qenë ndër këshilltarët kryesor në hartimin e Kushtetuës së Kosovës John Tunheim, në një intervistë dhënë për “Jetën në Kosovë”, ka thënë ideja kryesore e Kushtetutës së Kosovës ka qenë krijimi i një qeverie funksionale.
“Qëllimi ynë ka qenë që të krijohet një kushtetutë funksionale, e cila do të krijoj një qeverisjë funksionale”, ka thënë ai.
Ai ka thënë se Presidenti ka autoritet të konsiderueshëm që ta mandatoj një kandidat për formimin e qeverisë, i cili e ka shumicën parlamentare.
“Kosova është sistem parlamentar dhe kësisoj pa e pasur shumicën parlamentare s’mund ta formosh qeverinë”, tha ai.
Gjyqtari amerikan e ka thënë shumë qartë edhe atë se çka është grupi më i madh parlamentar.
“Grupi parlamentar është grupi që punon bashkë në parlament. Nuk u referohet partive politike. Mirëpo Gjykata Kushtetuese e përkufizoi ndryshe”, tha ai.
Sipas tij, partia apo koalicioni që ka fituar më së shumti vota në zgjedhje e ka të drejtën që ta formoj qeverinë. Mirëpo, ajo s’mund ta bëjë atë nëse nuk e ka shumicën parlamentare.