Nuk dihet kur do t’i vihet pika procesit të verifikimit të veteranëve të luftës së UÇK-së.
I nisur në mesin e nëntorit të 2012-ës, procesi duket të ketë mbetur në mes. Pasi vetëm 50 për qind e aplikacioneve kanë arritur të shqyrtohen, raporton KTV.
Kryetari i Komisionit, gjenerallejtënant Agim Çeku, thotë se nuk e ka ndërmend të lidhet me data, pasi punët po ecin me ritëm të vazhdueshëm, por që procesi është i ndjeshëm dhe kërkon më shumë vëmendje.
Nga pesëdhjetë për qind të aplikacioneve të verifikuara, sipas Çekut, ka dalë se vetëm 30 për qind e tyre kanë qenë luftëtarë veteranë të UÇK-së.
Ndërsa pritet që përveç ankesës që mund të bëjnë pretenduesit e pakënaqur, ankesë mund të bëjnë edhe qytetarët nëse kanë fakte që dikujt nga përfituesit nuk i takon epiteti.