Shoqata për Kthimin e Shqiptarëve të Shpërngulur nga Trojet e Veta ka hapur konkursin për ekspozitë kolektive të artistëve figurativë dhe aplikativë të të gjitha trojeve shqiptare.
“Shoqata për Kthimin e Shqiptarëve të Shpërngulur nga Trojet e Veta, me rastin 25-vjetorit të themelimit, shpallë konkurs për të gjithë krijuesit shqiptarë të të gjitha trojeve, nga fusha e pikturës dhe grafikës. Tema për këtë eveniment do të jetë ‘Shpërngulja – plagë shekullore e popullit tonë’”, thuhet në njoftimin e shoqatës.
Sipas kryetarit të shoqatës, Jahja Lluka, kurator i kësaj ekspozite është Prof.Esat Valla, ndërkaq punimet duhet të dorëzohen nga data 1.1.2015 deri më 20.1.2015.
Shoqata gjithashtu ka vënë në dispozicion edhe numrat kontaktues të telefonit: 045/640 190, si dhe 044/407 246.