Rektori i Universitetit të Prishtinës, Ramadan Zejnullahu, premtoi se do të luftojë pa kompromis keqpërdorimet me të cilat ballafaqohet Universiteti i Prishtinës.
Në një konferencë për media, ai njoftoi për përgatitjet e fillimit të vitit akademik 2014/2015, i cili do të fillojë më 6 tetor. Ndërkaq, sa i përket konkursit plotësues për pranimin e studentëve të rinj, rektori Zejnullahu, tha se nesër do të mblidhet senati i universitetit për të marrë vendimin për shpalljen e konkursit plotësues si dhe do të kompletohet ekipi i rektorit me prorektorë.