5.7 C
Prizren
E hënë, 24 Shkurt, 2025

Eqrem Kryeziu atktivizohet në zgjedhjet e LDK-së në Prizren

Eqrem KryeziuuIsh- kryetari i Degës së LDK-së në Prizren, Eqrem Kryeziu duket se nuk do të dorëzohet lehtë. Ndonëse brenda një periudhe shumë të shkurtër kohore ai i humbi dy beteja shumë të mëdha: atë për kryetar të Komunës së Prizrenit dhe betejën për deputet, duke u bërë “hor”, ai tani i ka hyrë një beteje tjetër, që t’i ndihmoj në garën për të parin e Degës së LDK-së në Prizren, Hanefi Muharremin.

Kështu kanë bërë të ditur burime të Gazetës Blic brenda Degës së LDK-së në Prizren. Sipas këtyre burimeve, Kryeziu është duke lobuar intensivisht tek ato nëndegë dhe tek ata individë që ka pasur ndikim, sidomos gjatë kohës sa ishte kryetar i Komunës së Prizrenit.

“Eqrem Kryeziu është doke lobuar me të madhe në nëndegët e LDK-së, sidomos në “Ortakoll”, “Korrillë”, “Qendër” dhe disa nëndegë tjera”, ka thënë ky burim.

Ndryshe, Hanefi Muharremi në vazhdimësi ka pasur përkrahjen e Kryeziut. Derisa ishte kryetar dege, Kryeziu e kishte vënë në garë për kryetar të Komunës së Prizrenit, Hanefi Muahrremin. Poashtu e kishte përkrahur që ai të futej edhe në listën e LDK-së për deputetë të Kuvendit të Kosovës.

Ndërkohë që gara zgjedhore është në fazën përfundimtare, ku pritet që gjatë këtij vikendi të përfundojnë zgjedhjet në të gjitha nëndegët e LDK-së, siç merr vesh, Gazeta Blic gara do të zhvillohet ndërmjet Haxhi Avdylit dhe Hanefi Muharremit.

“Përkrahjen më të madhe e gëzon mjeku Haxhi Avdyli, jo vetëm tek anëtarësia e LDK-së në Prizren, por edhe në nivel qendror. Në qendër Avdylin e shohin si të vetmin kandidat, i cili mund të unifikoj partinë në Prizren, e cila është ndarë në fraksione të mëdha”, ka thënë një zyrtar i lartë i LDK-së, duke mbetur anonim për shkak të reflektimit që mund të kishin deklaratat e tij në procesin zgjedhor në këtë degë.

I kontaktuar nga Gazeta Blic Haxhi Avdyli por edhe disa kandidatë tjerë, nuk kanë dashur që të komentojnë në lidhje me atë se kush ka gjasa të fitoj në Kuvendin e Degës së LDK-së, që pritet të mbahet shumë shpejt.

Ndryshe, në garë për të parin e Degës së LDK-së në Prizren pos Hanefi Muharremit e Haxhi Avdylit janë edhe: Xhavit Ukaj, Ridvan Hoxha dhe Hatim Baxhaku.

Një anëtarë i Kryesisë së LDK-së, ndërkaq, në kushte anonimiteti për shkak se dega është në zgjedhje, i ka thënë Gazetës Blic se ka ardhur koha që në këtë degë të vijnë fytyra të reja, dhe që mund ta rikthejnë LDK-në si parti të parë në këtë komunë.

LDK pos që ka dështuar keq në zgjedhjet e fundit lokale, as për Kuvendin e Kosovës nga ky qytet nuk ka arritur që asnjë kandidat të marrë votat e mjaftueshme sa të bëhet deputet. Edhe pse Hatim Baxhaku, tani kandidat për kryetar të Degës, kishte marrë votat e mjaftueshmë për të hyrë në Kuvend, ai në listë të LDK-së u fut nga komuna e Dragashit.

Gazeta Blic ka mësuar se nga 11.800 vota të LDK-së në Prizren më 8 qershor, 2800 vota ka marrë Baxhaku, 2400 vota Xhavit Ukaj dhe 1700 vota Hanifi Muharremi, i cili njihet edhe si “njeri” i Eqrem Kryeziut. Ndërkaq, Ridvan Hoxha nuk kishte arritur ndonjë sukses në zgjedhjet e kaluara.

LDK në Prizren ishte pa drejtues, që nga koha kur Eqrem Kryeziu kishte dhënë dorëheqje pas dështimit të turpshëm, edhe si kandidat për kryetar komune edhe si kandidat për deputet./Gazeta Blic/

Më Shumë

Komuna e Suharekës nis procesin e vendosjes së numrave zyrtarë për adresat

Kryetari i Komunës së Suharekës, Bali Muharremaj ka njoftuar se prej ditës së enjte ka nisur vendosja e numrave në adresa, bazuar në të...

Malishevë: Babai raporton në polici se dy vajzat e tij janë zhdukur

Një burrë nga Malisheva ka raportuar në polici se dy vajzat e tij janë zhdukur. Ai ka deklaruar se ato kanë dalë nga shtëpia të...

Eja në Prizren

Lajmet e Fundit