Me ftesë të Komunës së Orhangazit nga Turqia, një delegacion i Komunës së Malishevës, i prirë nga kryetari i Malishevës, Ragip Begaj, nga e diela, po qëndron në Turqi, me qëllim të rritjes së bashkëpunimit me Komunën e Orhangazit, komuna këto të binjakëzuara vite më parë. Delegacioni nga Malisheva, do të qëndroj në Turqi, pesë ditë.
“Në kuadër të binjakëzimit të komunës sonë me komunën e Malishevës, kemi kënaqësinë të ftojmë për vizitë në komunën tonë Kryetarin e Komunës së Malishevës me stafin e tij për të zhvilluar bashkëpunimin, shkëmbyer përvojat dhe për të vazhduar projektet e përbashkëta në fushën e arsimit, edukimit, kulturës, sportit, ekonomisë dhe ndërtimtarisë” thuhet në ftesën e dërguar nga komuna e Orhangazit.
Delegacioni nga Malisheva, është i përbërë nga qeveritarët e Komunës së Malishevës, të prirë nga i pari i komunës, Ragip Begaj dhe përfaqësues të Asamblesë Komunale, të prirë nga kryesuesi Enver Hoti./PrizrenPress.com/