Drejtori i Fondacionit “Rockfeller Brothers” për Ballkanin Perëndimor, Haki Abazi, përmes një postimi në rrjetin social shkruan se janë dy palë në ketë gjendje regresi progresiv.
Sipas tij, në njërën palë janë ata që po këmbëngulin por se nuk i kan numrat e as forcë për krijimin e institucioneve dhe në anën tjetër janë ata që i kanë numrat dhe forcën por nuk po lejohen për një gjë të tillë. Ai thekson se a përmbyset bota nëse Partia Demokratike e Kosovës, shkon në opozitë,shkruan Bota Sot.
“Njëra palë që me këmbngulje insiston por nuk ka as numra e as forcë për të krijuar institucione e besa as kredibilitet për të kërkuar koalicion marrë parasysh të kaluaren tradhtare e te pacipë, ndërsa ana tjetër nuk lejohet përkunder faktit që i ka numrat dhe e ka forcën reale politike. Kjo është formulë për konflikt. A njëmend po përmbyset bota nëse PDK del në opozitë apo ka diçka më të madhe. Sigurisht që frika e sekserve e bizneseve dhe privatizimeve, ambasadorëve me firma të mëdha multimilioneshe dhe e vërteta e Bllacës apo vendosja e telave gjemborë në urë mund të jenë produkte të ndyta të cilat përfundimisht dalin mbi sipërfaqe”, thekson Haki Abazi.