Alket Islami dhe artisti i njohur kroat Robert Rebersak, janë bashkuar në një ekspozitë në Muzeun Kombëtar.
Bukuritë natyrore, ato historike dhe arkeologjike të Kroacisë dhe Shqipërisë të fiksuara ne aparatin fotografik, nga ajri, realizuar nga Islami dhe Rebersak këtë herë janë prezantuar në mjediset e muzeut, duke sjellë një tjetër atmosferë.
Ekspozita “Shqipëria dhe Kroacia nga ajri” është konkluzioni i një projekti të nisur tre vjet më parë në Zagreb, e që finalizohet në MHK në vijim të festimeve të anëtarësimit të Kroacisë në Bashkimin Europian.
“Kemi ngjashmëri i me njëri-tjetrin, pasi përveçse fotografojmë nga ajri, kemi të njëjtat ngjyra të njëjtën teknikë të fotove”, u shpreh Alket Islami, transmeton Sotnews.
Edhe pse fotot e Alket Islamit nga ajri kanë vite që bëjnë xhiron e botës, me ekspozita në vende të ndryshme, kjo është hera e parë që ai ekspozon në kryeqytet.
Ekspozitë fotografike “Kroacia dhe Shqipëria nga ajri” do të qëndrojë e hapur deri më 14 korrik.