I dërguari special i Ministrisë së Punëve të Jashtme të Gjermanisë për Europën Juglindore, Ernst Reichel ka arritur në Kosovë.
Ardhja e tij është konfirmuar edhe nga Ambasada Gjermane në Prishtinë. Ndërkohë sot liderët e partive të koalicionit paszgjedhor pritet të takohen dhe të përcaktojnë hapat e mëtejmë të veprimeve të tyre.
Ende nuk dihet nëse AAK do të heqë dorë nga posti i kryeministrit. Kryetari i LDK-së, Isa Mustafa, e ka bërë të qartë se “Ne do të angazhohemi maksimalisht që me marrëveshje të koaliconit paszgjedhor të bëjmë zgjidhje të pranueshme për subjektet që ne i përfaqësojmë dhe në interes të partive të koalicionit dhe të qytetarëve, pasi vendimi i Gjykatës Kushtetuese e bëri të pamundur implementimin e marrëveshjes sonë të datës 10 qershor 2014”, kurse Vetëvendosje ka thënë se nuk do ta votojë kryeparlamentarin nga radhët e PDK-së.