Pas publikimit të lajmit në disa portale se LDK dhe PDK kanë arritur marrëveshje, këtë lajm e ka demantuar Lidhja Demokratike e Kosovës.
LDK përmes një komunikate ka sqaruar se LDK dhe PDK nuk kanë arritur asnjë marrëveshje.
Më poshtë lexojeni reagimin e LDK-së
Pas publikimit të lajmit në disa portale se kinse Lidhja Demokratike e Kosovës ka arritur marrëveshje koalicioni me PDK-në, dëshirojmë të sqarojmë se LDK-ja nuk ka asnjë marrëveshje me PDK-në dhe se nuk ka patur kurrfarë takimi ndërmjet kryetarit të LDK-së dhe atij të PDK-së.
Kryetari i LDK-së, Isa Mustafa, në Bruksel ka takuar z. Joseph Daul, Kryetar i EPP-së, si pjesë e takimeve dhe konsultave të rregullta me partitë simotra dhe në kuadër të përgatitjeve për samitin e dhjetorit.
LDK-ja dëshiron të theksojë se Kryetari Mustafa nuk ka patur asnjë takim tjetër gjatë qëndrimit të tij në Bruksel.