Landi Hysi reagon me dhimbje për humbjen e mikut dhe të kolegut të tij të grupit “West Side Family”, Dr Flori ndarë nga jeta tragjikisht.
“Vazhdimisht me pyesnin: A u nda grupi West Side Family? Kur do riktheheni? Pra, u ribashkuat…
Gjithmonë buzeqeshja e u thosha: Ju falënderoj për interesimin dhe dashamirësinë e treguar, por lavdi zotit të tre çunat janë mirë me shëndet e për rrjedhojë s’ka ndarje, thjesht grupi ka qenë “me pushime”.
Më iku (fizikisht) Dr. Flori! Asgjë e askush e askush e asgjë nuk m’a rikthen!!! Një dhimbje e tipit ferri mbi tokë, por që llafet nuk do mjaftojnë për t’ju spjeguar!!!
Të lutem zot t’a marrësh pranë teje e u prehsh ne paqe o Dr. Flori!!!
Vajtoj pa fund në heshtje…
Sigurisht Flor, kjo që bëre sot është e vetmja “kënge” e jotja që nuk më pëlqen, por ato që ti bëre në jetë, do të oshëtijnë mbi tokë..” shkruan në Facebook Landi i “West Side Family”.