Njëzet vjeçari A.D. nga Prizreni është arrestuar nga policia, pasi që ka shantazhuar një femër në “Facebook”.
“Rreth mesditës është arrestuar në flagrancë A. D. i vitlindjes 1994,pas një denoncimi të bërë dje në Stacionin Policor të Prizrenit nga një femër e moshës së re, për siç deklaron e njëjta, të shantazhit të ushtruar nga i dyshuari i cili kishte i kërkuar para”, njoftoi Policia në Prizren.
“Gjatë raportimit të rastit në polici, grupi hetimor ka kuptuar se i dyshuari e kishte hakuar “Faceook-un” e viktimës dhe nga aty kishte nxjerr fotografi komprometuese për të cilat ka kërkuar para për të mos i publikuar të njëjtat në rrjetet sociale”.
“I dyshuari është arrestuar nga hetues në rroba civile pasi kishte dalë në rrugën “De Rada” për t’i pranuar parat”.
“Më pas është bastisur edhe shtëpia e të dyshuarit dhe në cilësi të provës materiale është sekuestruar një kompjuter me të cilin dyshohet se është kryer vepra penale”.
“Pas intervistës, në konsultim me prokurorin e shtetit i dyshuari ndalët nën masën e arrestit policor”.
Ndërkaq grupi hetimor i policisë konfirmon se kjo dukuri e këtij lloji të krimit është në rritje dhe gjerë me tani janë hetuar gjashtë raste, prej tyre tri kanë përfunduar me kallëzime penale./PrizrenPress.com/