Kryetari i komunës së Prishtinës, Shpend Ahmeti ka paralajmëruar se do të kërkojë nga prokuroria që të marrë në pyetje kryeministrin Isa Mustafa rreth deklaratës së tij për sekserët në këtë komunë.
“Do t’i dërgojë letër prokurorisë që të marrë në pyetje Mustafën dhe të tregojë kush janë sekserët. Ai është kryeministër dhe është dashtë që të tregoj kush janë ata sekserë para se të dalë të flasë”, ka thënë Ahemti.
Ndryshe, Mustrafa ditë më parë ka thënë se sekserët e VV-së po ndërmjetësojnë për leje ndërtimi.
“….problemi është aty brenda, prandaj edhe Kurti edhe Ahmeti duhet të shohin se kush po nderon pa leje në Prishtinë, kush po nderon në pronë publike, kush po lëshon leje dhe si po lëshohen ato, kush janë sekserët që i bëjnë ndërmjetësimet për lëshimet e lejeve, sepse qytetarët po flasin”, ka thënë Mustafa. /ORAinfo/