Yllka Berisha ka rrëfyer në emisionin “Përtej Tregimit” me Valentina Ahmetin në Kanal 10 për sfidat që ka hasur vetëm pse ishte e verbër.
Ajo ka thënë se edhe pse është e re në moshë, ajo nuk e ka pasur shprehi të kërkojë ndihmë nga institucionet apo personat e tjerë, transmeton Portali.info.
Por, Yllka ka pasur raste edhe kur është neglizhuar nga njerëz të ndryshëm.
“Unë nuk kërkoj shpesh ndihmë, por ka ndodh që të kërkoj ndihmë për të lexuar ndonjë libër apo diçka të tillë, e personi në fjalë më ka thënë se është i zënë”, ka thënë Yllka.
Ajo ka thënë se këto sjellje e kanë bërë shpesh herë që të ndihet e nënvlerësuar.