Ramush Haradinaj, lideri i Aleancës për Ardhmërinë e Kosovës ka thënë se partia e tij nuk do të jenë më pjesë e këtij mandati të Kuvendit.
Këto komente Haradinaj i ka bërë pasi ka dhënë gjak në Qendrën e Transfuzionit të Gjakut.
Kryetari i AAK-së tha se janë duke biseduar edhe me partitë opozitare që edhe ato ta bojkotojnë Kuvendin derisa vendi të shkoj në zgjedhje.
“Parlamenti është shfrytëzuar për të mbuluar kapjen e shtetit dhe marrëveshjet por edhe me zgjedhjen e Thaçit President që është arkitekt i kësaj kapje të shtetit. Prandaj një Parlament i tillë e meriton të shpërbëhet dhe vendi të shkoj në zgjedhje. AAK nuk është pjesë e këtij parlamenti”, tha ai.