18.3 C
Prizren
E martë, 1 Korrik, 2025

AAK dërgon në Kushtetuese çështjen e nënkryetarit të Kuvendit

ArdianGjini-aakAleanca për Ardhmërinë e Kosovës (AAK) pritet që ta dërgojë për interpretim në Gjykatën Kushtetuese kërkesën për të marrë një post të nënkryetarit të Kuvendit të Kosovës, të cilin pretendon se duhet ta lirojë Lëvizja Vetëvendosje.

Shefi i grupit parlamentar të AAK-së, Ardian Gjini ka thënë për Telegrafin se kërkesa për interpretim në Kushtetuese mbetet alternativa e vetme, pasi që Vetëvendosje nuk pranon të ta lirojë postin e nënkryetarit, pasi ka mbetur partia e katërt që prej largimit të Alma Lamës nga grupi parlamentar i kësaj partie.

“Nënkryetari i Kuvendit nga radhët e Lëvizjes Vetëvendosje, Glauk Konjufca duhet të japë dorëheqje sepse e ka humbur të drejtën për ta mbajtur atë post. Por, Vetëvendosja nuk është e gatshme ta lëshojë postin, sepse ata e mbrojnë Kushtetutën vetëm kur iu bie tamam, e jo në raste tjera”, ka vlerësuar Gjini.

Ndërkohë, qëndrimi refuzues i Vetëvendosjes është shpalosur sot gjatë mbledhjes së Kryesisë së Kuvendit të Kosovës. Kryetari i Grupit Parlamentar të Vetëvendosjes, Visar Ymeri, ka thënë se kërkesa e AAK-së nuk kishte bazë juridike.

Por, deputeti Gjini sqaron se kërkesa për këtë çështje është dashur të shkojë në Kryesi për t’u bërë e ditur.

“Kryesia e Kuvendit nuk mund të marrë vendim që të shkarkojë një nënkryetar e ta emërojë një nënkryetar tjetër. Janë interpretime që po i gabojnë disa”, ka theksuar Gjini.

AAK-ja e kërkon postin e nënkryetarit të Kuvendit pasi që thekson se është bërë partia e tretë më e madhe në Kuvend, duke ia marrë këtë privilegj Lëvizjes Vetëvendosje.

Më Shumë

Vjedhje në Marali të Malishvës/Hajnat marrin 25 mijë euro dhe ari

Një vjedhje e rëndë ka ndodhur mbrëmjen e së premtes në fshatin Marali të komunës së Malishevës, ku persona të panjohur kanë depërtuar në...

Mos e humb verën – udhëto me Halimaj Reisen!

Nga Prizreni në Bregdet – Pushimet Fillojnë në Autobus me Halimaj Reisen! Halimaj Reisen – Udhëtimi që të sjell pushimet!Mos prit të të ftojë dikush...

Lajmet e Fundit