Ish-ushtruesi i detyrës së Drejtorit të Gjeodezisë dhe Kadastrës në Prizren, Avni Ademaj ka dëshmuar sot në gjykimin e “Mujës dhe të tjerët”. Ai tha se nuk ka negociuar për dhënjen në shfrytëzim të tokës “Gulistanit” .
“Nuk ka asnjë fakt dhe asnjë provë se unë kam pas kompetencë për të bërë negociata”. Ademaj ka thënë se për këtë çështje ka dëgjuar që i është dhënë “Gulistanit”, dhe nuk ka qenë pjesë e saj. ”Kam dëgjuar që i është ndarë një parcelë Gulistanit dhe asnjë veprim i imi nuk është provuar se unë kam pas kontakt për të ndatë këtë tokë”.
Prokuroria e EULEX-it, akuzon kryetarin e Komunës së Prizrenit, Ramadan Muja, Sadik Paçarizin – drejtor i Urbanizmit dhe Planifikimit Hapësinor, Avni Ademajn – ish-u.d. së drejtorit të Gjeodezisë dhe Kadastrës, Kadri Ukimerin – ish-drejtor i Gjeodezisë dhe Kadastrës, Abdullah Tejecin – drejtor aktual i Gjeodezisë dhe Kadastrës dhe Minir Krasniqin – drejtor i Administratës, për kryerjen e veprave penale gjatë ushtrimit të detyrës zyrtare./PrizrenPress.com/