Tre persona janë lënduar rëndë dhe katër të tjerë më lehtë, në një aksident trafiku, i cili ka ndodhur sot, rreth orës 15:00, në afërsi të fshatit Brezne të Dragashit, tek vendi i quajtur “Trokan”.
Policia e Kosovës njofton se janë aksidentuar dy automjete te tipit të njëjtë “Golf”.
“Përveç dëmeve materiale lëndime të rënda trupore kanë pësuar njëri nga drejtuesit dhe dy pasagjerë, të cilët dy prej tyre janë dërguar në spitalin e Prizrenit, ndërsa i lënduari tjetër në QKUK-së për trajtim të nevojshëm mjekësor”, njofton Policia e Kosovës./PrizrenPress.com/