Policia ka vënë në pranga të riun Elsi Balla, 21-vjeç pasi akuzohet se ka shkaktuar një aksident masive në Durrës ku mbetën të plagosur 4 persona.
Ngjarja ndodhi rreth orës 16:00, në rrugën interurbane kryesore, Durrës–Tiranë, në Sukth, ku i riu duke drejtuar mjetin tip Benz është përplasur me një mjet tjetër tip Benz, me drejtues shtetasin M.M. 32 vjeç.
Për pasojë, nga kjo përplasje janë dëmtuar dy mjete të tjera, mjeti tip Fiat me drejtuese shtetasen K.Sh. 23 vjeç, banuese në Sukth dhe mjeti tip Ford, me drejues shtetasin O. M. 32 vjeç, banues në Lushnje.
Janë aksidentuar dhe ndodhen në Spitalin e Traumës, Tiranë, nën kujdesin e mjekeve, shtetaset E.G. 19 vjeçe dje E.P. 19 vjeçe, pasagjere në mjetin tip Benz që drejtohej nga shtetasi Elsi Balla dhe drejtuesi M. M. dhe pasagjerët në mjetin e tij, shtetasit E. A. 44 vjeç dhe D.B. 27 vjeç, banues në Tiranë.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Shkelja e rregullave të qarkullimit rrugor” parashikuar në nenin 290 të Kodit Penal.