Këngëtari Redon Makashi është aksidentuar mbrëmjen e së enjtes teksa udhëtonte për në Pogradec.
Teksa lëvizte me automjetin e tij tip “BMW” makina e këngëtarit është përplasur me një trajler me targa turke. Në aksident është përfshirë edhe një makinë tjetër, e cila ka dalë jashtë rruge.
Automjeti me të cilin udhëtonte këngëtari i mirënjohur ka dalë nga rruga. Mësohet se Makashi ka marrë disa dëmtime të lehta dhe është jashtë rrezikut për jetën.
Bëhet e ditur se ngjarja ka ndodhur në afërsi të Librazhdit, dhe nga aksidenti nuk ka patur të lënduar me dëme serioze. Ende nuk dihen shkaqet e aksidentit të këngëtarit Makashi, por policia ka nisur hetimet për zbardhjen e plotë të ngjarjes. /Shekulli/