Prokuroria Themelore në Prizren ka ngritur aktakuzë ndaj të pandehurit A.Ç., nën dyshimin se ka kryer veprat penale “mbajtje në pronësi, kontroll ose posedim i paautorizuar i armëve” dhe “përdorim i armës apo mjetit të rrezikshëm”.
Sipas njoftimit të Prokurorisë, të pandehurit, më 14 tetor të 2021-tës, në fshatin Kojushë të Prizrenit, i ishte gjetur një pistoletë e tipit ‘Zastava’ dhe një karikator pa municion.
“Po ashtu, i pandehuri me datë kohë dhe vend të njëjtë e përdorë armën në kundërshtim me ligjin e zbatueshëm lidhur me armët, në atë mënyrë që në një aheng familjar, me pistoletën e tipit “Zastava”- M 57 shkrep në ajër 5-6 herë”, thuhet në njoftim.
“Prokurori i çështjes me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, i pandehuri i lartcekur për veprat penale për të cilat akuzohet të shpallet fajtor dhe të dënohet sipas ligjit”.