Lideri i Vetëvendosjes Albin Kurti mendon se Tribunali kundër UCK’së nuk do të themelohej po të mos donte Kryeministri Hashim Thaçi.
“Tribunali nuk bëhet sikur ky kryeministër të mos e donte. Ai e bëri pasi beson që ai vet nuk do të përfundojë aty. Po ti thuhet se edhe ky vet përfundon aty, nuk do të kishte Tribunal”, ka thënë Kurti në seancën e sotme.
Sipas Kurtit, me themelim të gjykatës Thaçi po i dorëzon shokët e vet.
“Serviliteti i kryeministrit nuk bëhet nga motivet e kombit, por për qëllime personale. Për të mbet kryeministër duhet vazhduar me pazaret e tij”.Është kjo arsyeja për të cilën Kurti ka apeluar liderët e partive të tjera, që të mos i nënshtrohen një njeriu të nënshtruar siç është Hashim Thaçi.
Sipas Kurtit, do të duhej që për Gjykatën e Veçantë të hapej debat, mirëpo po ndodh e kundërta.
“Kosova nuk ka nevojë për këtë gjykatë të veçantë por kjo gjykatë ka nevojë për Kuvendin e Kosovës. Të gjithë e shohim se si këto 6 vite EULEX jep ligjërata për punën e tyre para kolegjeve, e kurrë para Kuvendit. Nëse ata mendojnë se nuk kanë nevojë për kuvend, atëherë pse i duhet vendimi ynë”, ka thënë Kurti.
Pas Tribunalit të Hagës, sipas Kurtit do të duhej të kishte Tribunal për Serbinë nga e cila po zhvarrosen kosovaret.
“Nëntë vite e kishim UNMIK;un e deri tash e patëm EULEX e tash po na vjen edhe Gjykata e Vecantë. Unë nuk jam i bindur që OKB me aq qetësoi do ta merrte këtë çështje për ta themeluar një Tribunal”.
Ai mendon se nuk ka Tribunal as për Trafikim të organeve e as për terrorizëm.
“Për të kaluar nga trafikimi i organeve në krime të luftës është e papranueshme. Ata që votojnë për Tribunal nuk e dinë se çfarë kanë votuar sepse nuk kemi parë asgjë se çfarë e përbën këtë Tribunal.
“Tribunali nuk bëhet sikur ky kryeministër të mos e donte. Ai e bëri pasi beson që ai vet nuk do të përfundojë aty. Po ti thuhet se edhe ky vet përfundon aty, nuk do të kushte Tribunal”.