Kuvendari i PDK-së në Prizren Alush Shala i është ‘hakmarrë’, sot kryetarit të Komunës së Prizrenit,Ramadan Mujës. Ai në seancën e Kuvendit Komunal, ka abstenuar të gjitha pikat e rendit të ditës.
“Sot në seancën e 15- të dhe të fundit për këtë vit, në vend që t’i uroj për këtë fundvit, isha i detyruar t’i shpreh shqetësimet e mia në emër të votuesve”, ka treguar Shala.
“Në shejnë proteste kam abstenuar në qdo pikë ku është dashur të votohet”.
Kuvendari i PDK-së në Prizren, Alush Shala, ditë më parë ka reaguar pas vënies së gurthemelit të objektit të Qendrës Kulturore Boshnjake, për shkak se nuk është ftuar në ceremoninë e prerjes së shiritit.
Sipas tij, është i papranueshëm fakti se si përfaqësues (ai dhe kuvendarja Fahrije Bytyçi) të zgjedhur të banorëve të lagjes “11 Marsi” ku do të ndërtohet ky objekt, dhe si kryetar i nëndegës së partisë në këtë lagje, nuk janë ftuar nga kryetari i komunës dhe kryesuesi i Kuvendit.
“Turpi nuk ka kufi. Sot në lagjen 11 Mars vihet gurthemeli i Qendrës Kulturore Boshnjake po nuk ftohemi ne si përfaqësues të zgjedhur të kësaj lagje dhe njëherit edhe si kryetar i kësaj nëndege”, ka shkruar Shala.
Ai ka thënë se gurthemeli është vënë nga njerëz që nuk kanë marrë asnjë votë në lagjen “11 Marsi”.
“Gurthemelin e vënë ata që nuk e kanë marrë asnjë votë në këtë lagje”.
Shala për këtë çështje fajëson drejtpërdrejt kryetarin Ramadan Muja dhe kryesuesin Kujtim Gashi.
“Në emër të kryesisë së nëndegës dhe në emër të dy kuvendarëve shprehi revoltën për veprime të pahijshme si të kryetarit ashtu edhe të kryesuesit të komunës”. /PrizrenPress.com