Ideja për dërgimin e Ministrisë së Kulturës në Prizren nuk është gjë tjetër veçse një premtim elektoral dhe i papërmbajtur për arsye se nuk është kushtetuese dhe nuk është serioze. Të anketuarit e “Kosova Sot” theksojnë se dërgimi i kësaj ministrie në Prizren përveç tjerash ka edhe kosto materiale.
Avdi Lakna thekson se një ide e tillë nuk është e qëlluar, pasi këtu në Prishtinës është e koncentruar e gjithë inteligjenca, është qeveria e tjerë. “Për më tepër kjo ide ka dhe harxhime. Dhe si e tillë nuk është e qëlluar”.
Frrok Kristaj konstaton se nuk ka ndonjë arsye, ngjyrë apo aromë veçse një ide e lindur për arsye elektorale, që PDK të fitojë përsëri Prizrenin. Ai shton se pas mbajtjes së zgjedhjeve lokale kjo ide do të tretët.
Për Sabrije Spahiun ideja për zhvendosjen e MKRS në Prizren nuk është aspak e mirë. “Prishtina është kryeqendër dhe gjitha institucionet qendrore janë këtu”.
(Kosova Sot)