Përpjekje për parandalimin e përhapjes së koronavirusit Ambasada e Shteteve të Bashkuara të Amerikës në Shqipëri ka anuluar të gjitha aplikimet për vizë amerikane, deri në 3 prill 2020 për shkak të koronavirusit. Lajmi është bërë i ditur nga Ambasada përmes një njoftimi në Twitter.
“Në mbështetje të përpjekjeve të qeverisë shqiptare për të parandaluar përhapjen e mëtejshme të COVID19 duke kufizuar grumbullimet publike dhe praktikimin e largësisë midis personave, Ambasada ka anuluar të gjitha intervistat e paracaktuara për Viza Jo-Emigruese deri më 3 prill 2020.”, shkruan Ambasada amerikane në Shqipëri./21Media