Një prej arsyeve pse ‘Ariu i Murrmë’ vritet është mëlçia e tij, e cila në tregun e zi kushton afër 12 mijë euro, dhe blihet nga industritë farmaceutike. Ka edhe arsye tjera pse vritet dhe përndjekët, kjo kafshë e cila nga viti 2012 është e ndaluar me ligj të vritet në Kosovë
Ariu i murrmë (ursus arctos) është një prej kafshëve që gjendet gati në secilin kontinent të botës. Është një ndër anëtarët më të mëdhenj tokësor të rendit Carnivora, e për këtë rival e ka vetëm të afërmin e tij, ariun polar.
Por a keni menduar ndonjëherë pse kjo kafshë e madhe, e gjendur në shumë vende, vritet?
Disa lloje arinjsh shumë shpesh i nënshtrohen gjuetisë së paligjshme. Ata mund të vriten për kthetrat e tyre, lëkurën ose edhe për ‘trofe’ të tjerë si mishi i tyre, e në veçanti për organet që përdoren në mjekësi tradicionale, shkruan Gazeta Metro.
Mëlçia e Ariut të Murrmë, mund të shihet në fotografinë më lartë, me ngjyrë të verdhë.
E kur vie fjala tek mjekësia tradicionale, melçia e ariut të murrmë është ajo që përdoret më së shumti në këtë fushë, e cila kushton hiç më pak se 12.000 euro. Kështu të paktën thuhet në një raport të HSUS.
“Medikamentet mjekësore dhe biliare, të përgaditura nga mëlçia e ariut të murrmë, përdoren në mjekësinë tradicionale për të trajtuar një sërë sëmundjesh, përfshirë ethe, sëmundje të mëlçisë, konvulsione, diabet dhe sëmundje të zemrës”, shkruan në raport.
Sidoqoftë, vrasja e tyre është bërë, e vazhdon edhe sot në disa vende të bëhet në mënyrë ilegale. Kjo më së shumti për trafikim të organeve.
Ndërsa, raporti i publikuar gjatë vitit 2013, ka treguar se mëlçia e ariut arrin një vlerë të lartë në tregun e zi, prej 5.000 deri në 12.000 euro, varësisht nga pesha dhe madhësia e organit.