Policia e Kosovës ka arrestuar dy persona në Suharekë dhe një në Prizren.
Sipas policisë, dy ish-punëtorë të një ndërmarrje kanë kanosur përmbaruesit privat të kësaj ndërmarrje në Suharekë.
“Janë arrestuar dy të dyshuar meshkuj K/Shqiptar pasi që të njëjtit në bashkëveprim me dhjetë të dyshuar meshkuj K/Shqiptar, ish-punëtorë të një ndërmarrje kanë hyrë dhunshëm në objekt dhe duke shprehur pakënaqësitë me përmbaruesit privat kanë penguar punën e kësaj ndërmarrje”.
“Dy të dyshuarit janë intervistuar dhe me vendim të prokurorit janë dërguar në mbajtje”, thuhet në raportin e policisë.
Ndërkaq, arrestimi në rrugën “L. Lumezi” në Prizren është bërë me kërkesë të Gjykatës Themelore në Prizren. I arrestuari është dërguar në vuajtje të dënimit. /PrizrenPress.com/