Të premten është arrestuar pronari i një lokali në Komunën e Rahovecit, pasi dyshohet se ka vepruar në kundërshtim me masat e Qeverisë së Republikës së Kosovës, për parandalim të virusit Covid-19.
Kjo është bërë e ditur përmes raportit 24 orësh të Policisë së Kosovës.
“Me 15 maj 2020, në ora 00:30 në Rahovec, është arrestuar i dyshuari mashkull kosovar pasi që i njëjti është hasur duke punuar në lokalin e tij duke mos zbatuar vendimin e Qeverisë së Republikës së Kosovës.”, thuhet në raport.
Sipas Policisë së Kosovës, së bashku me pronarin e lokalit, në stacion janë shoqëruar dhe intervistuar edhe disa persona që kanë qenë në lokal.
Bëhet e ditur se pas intervistimit, në konsultim me prokurorin, të gjithë të lartpërmendurit janë liruar në procedurë të rregullt. /BetimipërDrejtësi