Gazeta britanike, Daily Mirror thotë se Arsenal-i dëshiron të nënshkruajë me mesfushorin e Eintracht Frankfurt, Djibril Sow.
Sow, 26 vjeç, ka një kontratë që skadon në vitin 2024, ndërsa Sky Germany ka raportuar se ai dëshiron të largohet nga Gjermania këtë verë dhe vlerësohet në rreth 15 milionë euro.
Arsenali është i prirur të sjellë rezervë për Granit Xhakën, Thomas Partey dhe Jorginho në mesfushë, me Mohamed Elneny që po lufton me lëndime vitet e fundit.
Sow është një ndërkombëtar zviceran që luajti përkrah Xhakës në të katër ndeshjet në Kupën e Botës 2022.
Sow është lojtar i rregullt i Frankfurtit, për të cilin ka shtatë gola dhe 13 asistime në 151 paraqitje dhe ka 36 paraqitje për Zvicrën.
Ai ka luajtur 38 herë deri më tani këtë sezon për Frankfurt, i cili normalisht e luan atë si një mesfushor qendror me mendje mbrojtëse.
Albanian Post