5.8 C
Prizren
E shtunë, 3 Dhjetor, 2022

Arsenali po planifikon transferimin e Moratas

Alvaro Morata është duke kaluar vitin e tij të dytë si i huauzar te Juventusi.

Sulmuesi spanjoll në fund të sezonit do të rikthehet te Atletico Madrid, pasi vështirë se Juventus do të aktivizojë klauzolën për blerjen e tij.

E ardhmja e spanjollit nuk pritet të jetë në Wanda Metropolitano, pasi Atletico nuk e ka në planet e veta dhe do ta shes atë në verë.

Arsenali është skuadra e fundit që është futur në garë për t’i siguruar shërbimet e spanjollit.

Topçinjtë janë në kërkim të një sulmuesi dhe trajneri Mikel Arteta e pëlqen jashtëzakonisht shumë bashkëkombësin e tij.

Sipas asaj që raporton Tuttomercatoweb, Morata e pëlqen rikthimin në Ligën Premier, por i ka vendosur një kusht Arsenalit para se të pranojë ofertën e tyre.

Për t’i siguruar shërbimet e Moratas, Arsenali duhet të sigurojë së pari vendin e katërt, vend që do ta dërgojë në Ligën e Kampionëve për edicionin e ardhshëm.

Nga ana tjetër Atletico Madrid do ta lejonte largimin e sulmuesit nëse vije një ofertë rreth 40 milionë euro. /Telegrafi/

Më Shumë

28 nëntori – ditëlindja e komandantit legjendar, Adem Jashari

Komandanti legjendar, Adem Jashari, po të ishte gjallë të hënën e 28 nëntorit do t’i bënte 67 vjet. Ai ka lindur po në këtë ditë...

Vdes ish-gazetari Seremb Gjergji

Ka vdekur ish gazetari i njohur kosovar, Seremb Gjergji. Ai gjithashtu në vitin 2016 ishte kandidati i pavarur për president të Republikës së Kosovës Seremb...

Moti për sot

Lajmet e Fundit