Asamblistët e Bashkimit Demokratik të Zafir Berishës, kanë bojkotuar betimin e kryetarit të Prizrenit Ramadan Muja.
“Mos pjesëmarrja e shumë faktorëve relevant vendor dhe ndërkombëtarë në këtë seancë është edhe një tregues se përderisa Ramadan Muja dhe klani I tij përballën me drejtësinë, gjendja në Prizren do të jetë e rëndë për qytetarët”,kanë arsyetuar ata bojkotimin e betimit të Mujës.
Asamblistët e BD-së, kanë marrë pjesë në seancën solemne vetëm të betimit të këshilltarëve të Kuvendit Komunal të Prizrenit.
“Pas dhënies së betimit në pikën e parë të kësaj séance reflektuam me veprimet në përputhje me qëndrimet politike të Bashkimit demokratik, duke mos qëndruar në seancë gjatë momentit të betimit të pandehurit Ramadan Muja i cili është duke u ndjekur nga organet e drejtësisë për krim të organizuar,korrupsion dhe shkelje ligjore për të cilën e ka pranuar edhe vetë në njërën nga seancat e shumta në Gjykatë”.
“Bashkimi Demokratik që në seancën e parë kërkon të respektohet ligji nga të gjithë dhe në këtë drejtim nuk do të ketë kompromis me shkelësit e ligjit edhe me një pjesë të këshilltarëve të zgjedhur të cilët sot e kanë dhënë betimin, dhe që janë në konflikt të interes për këtë, ne kemi reflektuar në zbatim të ligjit ku nënkryetari I BD-së dhe shefi I grupit të këshilltarëve Osman Hajdari ka marrë veprimet e duhura ligjore për të zbatuar ligjet e Kosovës”./PrizrenPress.com/