27.7 C
Prizren
E hënë, 15 Shtator, 2025

Avdyli: Ka kalu koha kur Vuçiqi është kollë atje, e kryeministrat e ministrat i kanë lëshu këmbët këtu

Deputeti i Grupit Parlamentar të Lëvizjes Vetëvendosje nga partia Guxo, Haxhi Avdyli ka thënë se qeveria do ta zbatojë vendimin për targat sipas afatit të paraparë.

Në “DPT te Fidani”, Avdylli ka thënë se ka kaluar koha kur zyrtarët qeveritarë frikësohen nga e kollura e presidentit serb, Aleksandar Vuçiq.

“Ka kalu koha kur Vuciqi është kollë atje, e kryeministrat e ministrat këtu i kanë lëshu këmbët”, ka thënë ai.

Avdyli ka thënë se nuk mund të shkilet mbi ligjshmërinë dhe Kushtetutën e Kosovës.

Sipas tij, Kosova po mbron ligjshmërinë, ndërkohë që Serbia kërkon të krijojë një El Dorado në veri.

“Ne nuk kemi ku shkojmë përtej vendit tonë, ne nuk mund t’i cenojmë ligjet tona. Ne po duam ta mbrojmë ligjshmërinë, ata duan ta krijojnë një El Dorado pa ligj. Nuk parapëlqej që të ketë tension, s’besoj që do të ketë”, ka thënë Avdyli.

Avdyli ka thënë se automjetet pa targa të konvertuara sipas kërkesave ligjore të Kosovës, do të kthehen nga 1 nëntori.

“Nuk mund të hyjnë më në Kosovë të hyjnë targa pa targa dhe me targa inekzistente. Ato do të kthehen”, ka thënë ai.

Kërkesat e ndërkombëtarëve për të shtyrë vendimin për targat, Avdyli i ka quajtur sugjerime.

“I respektojmë mendimet dhe sugjerimet e bashkësisë ndërkombëtare, këto janë sugjerime”, ka theksuar ai.

Deputeti Avdyli ka thënë se qeveria aktuale është më pro-amerikanja ndonjëherë. /GazetaExpress

Më Shumë

Kryhen dy koronografitë e para në mënyrë të pavarur në Spitalin e Prizrenit

Një arritje e rëndësishme është shënuar në Shërbimin e Kardiologjisë Invazive të Spitalit të Përgjithshëm “Prim. Dr. Daut Mustafa” në Prizren, ku u kryen...

Prizreni godet sërish në merkato: Huazon portierin Enes Morina nga Malisheva

FC Prizreni ka bërë një tjetër lëvizje të rëndësishme në merkato, duke arritur marrëveshje me KF Malisheva për huazimin e portierit të talentuar kosovar,...

Lajmet e Fundit