Profesori universitar dhe përfaqësuesi i Partisë Demokratike të Kosovës, Arsim Bajrami ka deklaruar se Ramadan Muja do të duhej të japë dorëheqje nga posti i kryetarit të Komunës së Prizrenit.
Arsim Bajrami, në “Rubikon” të KTV-së tha se e gjitha është përgjegjësi morale dhe vendimi për dorëheqje i takon vetëm Mujës.
“Sa i përket ligjshmërisë, ai ende ka të drejt të mbaj postin e kryetarit, por në aspektin moral, ai është dashur të tregojë përgjegjësi dhe të japë dorëheqje. Janë disa standarde morale dhe para thirrjes së nenit të Kushtetutës, ai duhet të reflektojë këtë përgjegjësi morale”, ka vlerësuar Bajrami.