18.8 C
Prizren
E diel, 26 Maj, 2024

Ballkani merr fitore komode ndaj Feronikelit ‘74

Ballkani ka triumfuar 2-0 ndaj Feronikelit ’74 në kuadër të javës së dytë në Albi Mall Superligën e Kosovës.

Qysh në minutën e parë, mysafirët rrezikuan portën e kampionit në fuqi, kur Alban Shillova goditi nga afër, por Enea Koliçi ishte i vëmendshëm.

Shillova tentoi edhe njëherë në minutën e 13-të, mirëpo sërish nuk ia doli të mposhte Koliçin.

Ballkani më pas rrezikoi me anë të Bleart Tolajt (15’), por që portieri Bujupi ishte në vendin e duhur.

Derisa po përfundonte pjesa e parë, skuadra nga Suhareka kaloi në epërsi me golin e Albin Berishës, ndërsa Gentrit Halili ishte asistuesi (45+1’).

Pjesa e dytë filloi me një dominim edhe më të madh nga vendasit, që synonin edhe golin e dytë.

Ramadani bëri një gjuajtje të fuqishme në minutën e 61-të, por që Bujupi ishte i kujdesshëm.

Gjashtë minuta më vonë, Ballkani ia doli ta dyfishonte epërsinë, me Robert Rrahmanin që ishte i pafat, pasi realizoi auto-gol.

Pas javës së dytë, Ballkani ka arkëtuar gjashtë pikë, ndërsa Feronikeli ende pa asnjë.

Në xhiron e tretë, skuadra e Ilir Dajës zhvillon derbin ndaj Dritës, ndërsa Nikli do të ketë punë me Gjilanin.

Më Shumë

Nxjerrja ilegale e zhavorrit përgjatë Drinit të Bardhë, Prokuroria vazhdon të sekuestrojë makineri

Prokuroria Themelore në Gjakovë ka thënë se po vazhdon me sekuestrimin e mjeteve që ishin përdorur nga kompani që jashtëligjshëm kishin nxjerrë zhavorr përgjatë...

Rrebeshet e shiut në Rahovec, komuna publikon numrat që duhet t’i kontaktojnë qytetarët

Komuna e Rahovecit është deklaruar pas rrebeshevee të mëdha të shiut që ishin sot atje. Në njoftimin e lëshuar në Facebook thuhet se ujërat e...

Lajmet e Fundit