Në ndeshjen e parë të zhvilluar të enjten është mposhtur nga Viktoria Plzen.

Në një përballje ku kampioni kosovar ka luftuar fort rezultati përfundimtar i takimit ka qenë 1-0.
Pas një pjese të parë të barabartë, e cila është karakterizuar nga disa depërtime anësore të Thaqit, ka qenë pjesa e dytë ajo e cila ka nxjerrë fitues vendasit.
Minuta e shtatëdhjetë e tretë ka qenë ajo kur është thyer heshjta e golave.
Ka qenë Kalvach ai i cili me një goditje të fortë nga distanca e ka mposhtur portierin Koliqi.
Minutat në vazhdim nuk kanë treguar më shumë për asnjërën nga skuadrat.

Në ndeshjen tjetër të grupit Dinamo Zagreb ka fituar nga Astana dhe aktualisht skuadra kroate edhe e kryeson grupin.

Viktoria Plzen në epërsi

Ballkani ka pranuar gol në ndeshjen kundër Viktoria Plzen. Kjo pas shtatëdhjetë e tre minutave rezistencë.

Ka qenë Kalvach ai i cili me një goditje të fortë nga distanca e ka mposhtur portierin Koliqi.

Aktualisht kanë  mbetur edhe rreth pesëmbëdhjetë minuta lojë dhe kampioni kosovar ka kohë për rikthim.

Në ndeshjen tjetër të grupit Dinamo Zagreb po fiton kundër Astanas.

Viktoria Plzen – Ballkani, pjesa e parë mbyllet pa gola

Një goditje e fortë është lëshuar nga Hranac në drejtim të portës së Ballkanit në minutën e njëzet e tetë, por Enea Koliqi ka qenë në vend.

Pjesa e parë e ndeshjes Viktoria Plzen – Ballkani e cila ka parë një luftë në mesin e fushës është mbyllur pa gola.

Goditja e mbrojtësit ka qenë rasti më i mirë për vendasit.

Disa depërtime nga krahu ka bërë Thaqi, por pa sukses në finalizim.
Në dispozicion të skuadrave janë edhe dyzet e pesë minuta të tjerë. Nis ndeshja Viktoria Plzen – Ballkani

Ka nisur ndeshja Viktoria Plzen – Ballkani, e vlefshme për Conference League.

Ndeshja përket te Grupi C, ku janë edhe Dinamo Zagreb e Astana.

Trajneri i Ballkanit Ilir Daja paraprakisht ka deklaruar se Viktoria është favorit, porse skuadra e drejtuar nga ai nuk hyn në fushë si e dorëzuar.

Viktoria më herët, gjatë ciklit kualifikues, e kishte mposhtur Dritën e Gjilanit.

Viktoria Plzen – Ballkani, formacionet

Ballkani i Suharekës e fillon sonte aventurën evropiane, duke u ndeshur si mysafir me skuadrën çeke, Viktoria Plzen. Tashmë janë publikuar edhe formacionet zyrtare.