18.8 C
Prizren
E diel, 26 Maj, 2024

Begaj takohet me banorët e Bellanicës dhe Temeqinës

Begaj me qytetareKryetari i Komunës së Malishevës, Ragip Begaj, i shoqëruar edhe kryesuesi i Kuvendit të Komunës, Enver Hoti dhe drejtori i shëndetësisë Hajdin Berisha, mbrëmë kanë takuar banorët në fshatin Bellanicë dhe ata në fshatin Temeqinë, me të cilët kanë biseduar për çështje të ndryshme, përkatësisht nevojat e banorëve të këtyre dy vendbanimeve.

Ky takim, është vazhdën takimeve të kryetarit të komunës, me banorët e fshatrave të Malishevës, për të biseduar me ta, për masat mbrojtëse kundër etheve hemorragjike krime kongo, pastaj për pastrimin e ambientit, si dhe për tu njohur direkt me nevojat e tyre, në mënyrë që këto kërkesa të tyre, të futen në prioritet e komunës, gjatë planifikimit të buxhetit komunal.

Për banorët e Bellanicës, problem kryesor, vazhdon të jetë kthimi i pronave tashmë të privatizuara, e që banorët e Bellanicës pretendojnë të jenë pronar të tokës, e për çka kanë marrë premtimin e Begajt dhe Hotit, se komuna do të jetë përkrahë kërkesave të tyre në aspektin ligjor . Pastaj problem tjetër për fshatin është uji për pije, ku edhe këtu kryetari Begaj, i ka njoftuar se komuna ka ndarë 100 mijë për rritjen e kapacitete të ujit, si dhe Hidroregjioni jugor, po ashtu 100 mijë euro, mirëpo, ujësjellësi i fshatit duhet të futet në menaxhimin e ndërmarrjes së Hidroregjionit, për çka banorët shprehën rezerva dhe kërkuan t’ju ndihmohet në rritjen e kapaciteteve, por duan të menaxhojnë vet ujësjellësin. Dhe kërkesë tjetër për banorët, ishte vazhdimi i kanalizimit në një pjesë të fshatit dhe asfaltimi i rrugicave brenda fshatit.

Ndërsa në Temeqinë, ku sipas banorëve, deri më tani është investuar më së paku, kërkuan asfaltim të rrugëve të fshatit, trotuarin, kanalizimin, rrethja e shkollës dhe çështjet sociale, ndërsa të rinjtë e fshatit kërkuan që t’ju rregullohet fusha e sporti. Kryetari Begaj, premtoi se disa nga problemet e tyre, do të zgjidhen shpejt, kurse brenda mandatit të tij qeverisës, do të zgjidhen këto probleme me të cilat ata ballafaqohen. Ndërsa premtoi se shpejt do ta rregulloj fushën e sportit.

 

Më Shumë

Kalon marrëveshja e bashkëfinancimit për hartimin e projektit për ndërtimin e tunelit në rrugën Tetovë-Prizren

Kuvendi i Kosovës ka kaluar edhe Projektligjin për ratifikimin e Marrëveshjes së bashkëfinancimit për hartimin e Projektit për ndërtimin e tunelit në rrugën Tetovë-Prizren,...

Në manifestimin ‘Stinët Poetike’ në Prizren, prezantohet poeti Hazir Luta

Shoqata për Kulturë dhe Art 'Fidani' në Prizren ka organizuar manifestimin letrar 'Stinët Poetike', duke sjellë në vëmendje krijimtarinë e shquar të poetit nga...

Lajmet e Fundit