Kryetari i Malishevës,Ragip Begaj në vitin 2013 ka arritur të fitojë përballë ish-shefit të tij,Isni Kilaj të PDK-së dhe kandidatit të LDK-së, Sali Morina.
Ai bashkë me disa aktivistë të PDK-së, kishte formuar Iniciativën Qytetare për Malishevë. Kjo iniciativë në zgjedhjet e 3 nëntorit ka qenë pjesë e garës me subjketet e tjera politike. Pas mbështetjes së Fatmir Limajt IQM-ja në Malishevë arriti t’i shkrijë shumë nëndegë të PDK-së në këtë qytet.
Përkundër premtimeve të shumta që kryetari i PDK-së, Hashim Thaçi i bërë për qytetin e Malishevës, votuesit me 3 nëntor u përcaktuan për IQM-në e Ragip Begajt. Ai arriti që në balotazh të mposhtë Sali Morinën e LDK-së, derisa ish-kryetari nga radhët e PDK-së,Isni Kilaj, ka mbetur jashtë balotazhit. Begaj në katër vitet e ardhshme, do të jetë kryetar i Malishevës. /PrizrenPress.com/