21.1 C
Prizren
E martë, 1 Korrik, 2025

Benzema shpallet fajtorë në rastin e shantazhit ndaj Valbuena-s

Karim Benzema është dënuar me një vit burg me kusht, pasi u shpall fajtor si bashkëpunëtor në tentativën e shantazhit të ish-bashkëlojtarit të tij në Francë, Mathieu Valbuena.

Gjykata e Versajës urdhëroi gjithashtu yllin e Real Madridit të paguajë një gjobë prej 75,000 eurosh për përfshirjen e tij në skandalin e kasetave seksuale që rezultoi me pezullimin e Benzema-s nga kombëtarja franceze për disa vite.

Ndërkohë, Noel Le Graet, presidenti aktual i Federatës Franceze të Futbollit, e bëri të qartë tre javë më parë se vendimi i gjykatës nuk do të ndikonte në karrierën e Benzema-s me Francën.

Kjo do të thotë se pavarësisht se është shpallur fajtor, sulmuesi i Real Madridit do të marrë pjesë në Kupën e Botës 2022 në Katar me Francën.

Benzema u thirr për të marrë pjesë në Kampionatin Evropian të verës së kaluar dhe ai ka shënuar nëntë gola në 11 ndeshje zyrtare që nga rikthimi i tij në kombëtare.

Mbrojtja e sulmuesit të Real Madrid këmbënguli në gjykatë se ai nuk kishte ndërmend të shantazhonte Valbuenën, pasi dyshohet se u përpoq të ndihmonte ish-bashkëlojtarin e tij në Francë.

Prokuroria kërkoi dënimin më të ulët të burgut ndaj Benzema-s, por gjobën më të lartë të mundshme.

 

/Albanianpost.com

Më Shumë

SBAShK, apel mësimdhënësve: Mos nënshkruani kontrata të reja të punës

Sindikata e Bashkuar e Arsimit, Shkencës dhe Kulturës (SBAShK) ka ngritur një shqetësim i cili thotë se po ndodhë së fundmi. Sipas një reagimi të...

Rahoveci, bashkëfinancues i edicionit të 4-t të Shkollës Verore Ndërkombëtare në Prizren

Komuna e Rahovecit është bërë bashkëfinancuese e edicionit të katërt të Shkollës Verore Ndërkombëtare të organizuar nga Universiteti “Ukshin Hoti” në Prizren, duke theksuar...

Lajmet e Fundit