Kryetari i Bashkimit Demokratik Zafir Berisha, ka vazhduar takimet me qytetarë të Prizrenit në lagjen “11 Marsi” dhe “2 Korriku”. Berisha para shumë të pranishmëve tha se është e nevojshme që urgjentisht të ndryshohet qeverisja që ka Prizreni. Sipas tij, Bashkimi Demokratik është shpresa e vetme për një jetë më të mirë në Prizren.
“BD-ja do të përkushtohet në ngritjen e cilësisë në shëndetësi, jo duke ndërtuar vetëm objekte por duke investuar në përgatitjen e kudrave shëndetësor përmes seminareve dhe trajnimeve të ndryshme me qëllimin që të ngritët cilësia në shërbime mjekësore sepse deri më tash kemi pasur investime nëpër objekte dhe aparatura, mirëpo aparaturat kanë mbetur nëpër depo nga mungesa e jo përgatitjes së duhur të personelit mjekësor”, tha Berisha.
Ndërkaq, bartësi i listës Osman Hajdari, tha se që në gjashtë mujorin e parë të qeverisjes së Bashkimit Demokratik do të punësojmë 120 të rinj përmes projekteve të veçanta në administratat publike si dhe do të bëjmë funksionalizimin e zonës industriale në të cilën do të punësohen rreth 5000 qytetarë. Kurse, kandidatët për Kuvend të Prizrenit nga këto lagje Sabri Micaj, Besim Qafleshi, Rrezarta Shkurti –Gashi dhe Belkis Lalosh, kërkuan mobilizim të të gjithë qytetarëve për të votuar numrin 74 dhe liderin e tyre Zafir Berishën./PrizrenPress.com/