Presidenti i Shteteve të Bashkuara, Joe Biden, ka arritur në selinë e NATO-s në Bruksel, ku e pret një ditë e gjatë me takime të shumta me krerët e vendeve anëtare të Aleancës Veriatlantike.
Ai do të jetë pjesë e tri samiteve – pra të NATO-s, BE-së dhe të G7-ës, ku do të diskutohet kryesisht situata në Ukrainë, transmeton Telegrafi.
Për dallim nga homologët evropianë, ai ka vendosur të anashkaloj konferencat për media para fillimit të samitit – ku më vonë gjatë ditës pritet të deklarohet për ato që kanë diskutuar.
Atë e ka pritur Sekretari i Përgjithshëm i NATO-s, Jens Stoltenberg, ku më pas realizoi një fotografi të përbashkët me liderët e tjerë të vendeve anëtare. /Telegrafi/