Kryetari i Bashkësisë Islame të Kosovës, myftiu Naim Tërnava, në mesazhin drejtuar qytetarëve me rastin e festës së Kurban Bajramit, ka njoftuar se BIK ka marrë vendim që të pezullojë faljen e Namazit të Kurban Bajramit.
Tërnava tha se ky vendim i dhimbshëm për të gjithë po merret që të ruhet shëndeti publik, për shkak të situatës me pandeminë COVID-19.
“Bashkësia Islame duke e analizuar situatën e cila po mbretëron në Kosovë e goditur nga virusi, edhe në mbledhjen e fundit të kryesisë u diskutua rreth këtij problemi. BIK-u lajmëron të gjithë besimtarët se nesër pezullohet falja e Namazit të Bajramit të Vogël dhe për 10 ditë rresh pezullohen faljet dhe ritet nëpër të gjitha xhamitë e Kosovës”, ka thënë Tërnava.
I pari i BIK-ut po ashtu bëri thirrje që për shkak të pandemisë të shmangen vizitat për këtë festë.