22.8 C
Prizren
E shtunë, 15 Qershor, 2024

Buja shkel ligjin, njeh diplomat e dyshimta

RameBuja-ministri arsimitMinistri i Arsimit, Ramë Buja, nuk është duke e marrë për bazë rekomandimin e kryetares së bordit të akreditimit, Ferdie Zhushi-Etemi, për mosnjohjen e diplomave të dyshimta që udhëzimi i MASHT-it po i lejon.
Mosnjohja e Udhëzimit Administrativ për nostrifikimin e diplomave të fituara jashtë vendit nga Agjencia e Kosovës për Akreditim (AKA) ka krijuar dyshime mbi rregullimin ligjor të kësaj çështjeje në Kosovë. Ministria e Arsimit nuk po pranon se ky udhëzim duhet të ndryshohet, e në anën tjetër Agjencia ka bërë të ditur se nuk do ta zbatojë.

Ekspertë të arsimit, legjislacionit, analistë… kanë kërkuar që Udhëzimi Administrativ të mos tejkalojë ligjin dhe përderisa MASHT-i dhe AKA kanë kundërshtime rreth këtij udhëzimi, sipas tyre duhet të ndërhyjë gjykata.

Ministria, sipas juristëve, duhet të kërkojë edhe nga Zyra Ligjore e Zyrës së Kryeministrit interpretim sipas Udhëzimit Administrativ për Standardet e Hartimit të Akteve Normative, në lidhje me përputhshmërinë e Udhëzimit Administrativ me Ligjin për Arsimin e Lartë.

Kryetarja e Këshillit Shtetëror të Cilësisë (KSHC), Ferdije Zhushi-Etemi, të mërkurën ka thënë se agjencia ka dhënë vlerësimin e saj për udhëzimin dhe mbetet e shqetësuar për uljen e kritereve të cilësisë. Ajo nuk ka pranuar të komentojnë raportet MASHT-AKA, pas deklarimit të agjencisë se nuk do të njohë vendimin e saj.

Ndërsa, burime të gazetës brenda Ministrisë së Arsimit kanë thënë se udhëheqësit e kësaj ministrie e kanë marrë me shqetësim reagimin e agjencisë, por duke ditur se agjencia nuk ka kompetenca ta shfuqizojë udhëzimin, por vetëm ta denoncojë, MASHT nuk po vepron ta ndryshojë vendimin.

Ndërkaq, Arbër Morina, këshilltar politik i ministrit të Arsimit, Ramë Buja, ka theksuar se të pakënaqurve nuk iu mbetet tjetër veçse të zbatojnë legjislacionin. Morina tha se Ministria ka punuar në udhëzim sipas ligjit dhe nuk mund të veprojë ndryshe. /Zëri/

Më Shumë

Moti sot: Me diell dhe vranësira, temperaturat deri në 31 gradë Celsius

Sot mbi vendin tonë do të mbajë mot me diell dhe vranësira të nivelit të mesëm të Troposferës, të cilat vende -vende mund të...

Ndahet nga jeta ish-drejtori i Komunës së Prizrenit dhe themeluesi i RTV “Yeni Donem”, Mehmet Bytyç

Është ndarë nga jeta në moshën 69-vjeçare Mehmet Bytyç, një nga emrat që dha kontribut të madh për komunitetin turk të Kosovës. Bytyçi ishte...

Lajmet e Fundit