23.8 C
Prizren
E martë, 9 Gusht, 2022

Tri iniciativa serbe garojnë për Prizrenin

Ura e gurit ne prizrenTri iniciativa politike serbe, do të garojnë në zgjedhjet e 3 nëntorit në Prizren. Anëtari i Komisionit Komunal Zgjedhor (KKZ-së) në Prizren, Ilir Baldedaj, konfirmoi se pjesë e listës zgjedhore në Prizren janë edhe këto iniciativa politike të komunitetit serb.

Pjesëmarrja e tyre paraqet konkurrimin e parë për zgjedhjet e lira të mbajtura pas shpalljes së Pavarësisë së vendit më 2008, ndërsa një përfaqësuese serbe ka qenë pjesë e Asamblesë Komunale të Prizrenit, në mandatin e dytë të mbajtur pas luftës, deri në vitin 2007.

Më së shumti kandidat ka Lista Iniciativa Qytetare Serbe (Gradjanska Iniciativa Serbska) që ka renditur tetë emra. Pjesë e saj janë Bogoljub Ilic, Branislav Gligorevic, Marta Zrnznevic, Ranko Sllavkovic, Ivan Ilic,Neda Miladinovic, Vlado Vuckeviq dhe Spasa Andrejevic.

Në listën e Iniciativës Qytetare të Prizrenit (Gradjanska Iniciativa Prizren), që ka gjashtë kandidatë janë renditur: Aleksandra Mitrovic, Dragoljub Puzhic, Mililca Puzhic, Zoran Curorevic, Petar Stankovic, Anaka Zoric. Ndërkaq, partia SLS ka vetëm një kandidat, Ivan Krstic. Në Prizren tashmë jetojnë pak serbe dhe se nuk dihet se ku jetojnë kandidatët e përfshirë në garën zgjedhore./PrizrenPress.com/

 

Më Shumë

Chelsea arrin marrëveshjen me Cucurella-n

Chelsea ka arritur marrëveshjen me Marc Cucurella-n për transferimin e tij në “Stamford Bridge”. Spanjolli kërkohej me ngul dhe nga Pep Guardiola te Manchester...

Ndërron jetë në Londër, 12-vjeçari që mjekët e shkyçën nga aparatet që e mbanin gjallë – veprimi u ndërmor me vendim të gjykatës

Archie Battersbee, 12-vjeç, ka ndërruar jetë në Londër, pasi që mjekët me vetëdije ia fikën aparatet që e mbanin gjallë, e siç raportojnë mediat...

Lajmet e Fundit