6.8 C
Prizren
E diel, 4 Dhjetor, 2022

Burri në Malishevë i bën për spital gruan dhe fëmijët e tij

Si pasojë e dhunës nga bashkëshortët e tyre, shumë gra kosovare marrin lëndime trupore për çka iu duhet që detyrimisht të kërkojnë ndihmë mjekësore në spital. Një rast i tillë ka ndodhur orët e para të mëngjesit të sotëm në Malishevë.

Burimet e Gazetës Sinjali kanë bërë me dije se një 21-vjeçare mbrëmë ka përfunduar në spital si pasojë e lëndimeve që dyshohet se i mori nga dhuna fizike që ia shkaktoi bashkëshorti i saj. Ajo rastin e ka denoncuar edhe në Polici, ku ka rrëfyer gjithë tmerrin që përjetoi.

Bazuar në dëshminë e saj e gjithë ngjarja ka ndodhur në shtëpinë  e tyre në fshatin Maxharrë, ku bashkëshorti i saj dyshohet se e ka sulmuar fizikisht në sy të fëmijëve të tyre. Dhunë ai dyshohet se ushtroi edhe ndaj fëmijëve.

Si rezultat i denoncimit, i dyshuari është arritur që të arrestohet, ndërsa fëmijët po ashtu janë dërguar për tretman mjekësor në QKMF dhe më pas i janë dorëzuar viktimës.

Pas përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit në kohëzgjatje prej 48 orësh dhe i njëjti do të hetohet nën dyshimet për kryerjen e veprës penale ‘Dhunë në familje’.

Më Shumë

Vëllaznimi shënon fitore të madhe kundër Ponte Prizrenit

Vëllaznimi ka shënuar fitore shumë të vlefshme, duke mundur Ponte Prizrenin me rezultat 74:66 (18:17, 21:9, 18:24, 17:16), në xhiron e 13-të të Prince...

Fajon: Sllovenia është avokate e fortë e liberalizimit të vizave për Kosovën

Shefja e diplomacisë sllovene, Tanja Fajon, ka deklaruar se Sllovenia është avokate e fuqishme e liberalizimit të vizave për Kosovën. “BE duhet të mbajë premtimin...

Lajmet e Fundit