Një person është arrestuar nga Policia e Kosovës, pasi që i njëjti dyshohet se ka sulmuar fizikisht bashkëshorten e tij duke i shkaktuar lëndime, raporton PrizrenPress
Rasti ka ndodhur pasditen e së shtunës në Rahovec rreth orës 19:00, ka bërë të ditur policia në raportin 24 orësh.
Sipas policisë, viktima pas tretmanit mjekësor, së bashku me tre fëmijët e saj ka shkuar tek familjarët e vet, ndërsa i dyshuari me vendim të prokurorit është dërguar në mbajtje.
“Rahovec 20.11.2021-19:00. Është arrestuar i dyshuari mashkull kosovar pasi që i njëjti dyshohet se ka sulmuar fizikisht viktimën femër kosovare-bashkëshorten e tij duke i shkaktuar lëndime. Viktima pas tretmanit mjekësor, së bashku me tre fëmijët e saj (me vullnetin e saj) ka shkuar tek familjarët e vet, ndërsa i dyshuari pas intervistimit, me vendim të prokurorit është dërguar në mbajtje”, njofton policia. /PrizrenPress.com/