Talenti i Manchester Cityt e ka konfirmuar tashmë zyrtarisht se do të veshë fanellën e Kosovës. 21 vjeçari tha se Kosova ka qenë gjithmonë zgjedhja e parë për të, pasi jo është vendlindja e tij.
“Po do të luaj për Kosovën. Nuk e kam pasur të vështirë të vendosi pasi gjithë kam pasur dëshirë që të luaj për vendin ku kam lindur. Familja ka ajo që më ka ndihmuar të vendosi. Edhe Celina më ka folur fjalë të mira për Përfaqësuesen e Kosovës”, është shprehur Bytyqi, i cili ka luajtur për grupmoshat e reja të Austrisë.
21 vjeçari ka theksuar me tej se të hënën ka pasur takim me trajnerin e Kosovës, Albet Bunjakin me të cilin ka biseduar për projektin e ri të kombëtares kosovare.
Ndërsa ka dhënë dhe një mesazh mjaft të rëndësishëm për të gjithë tifozët e Kosovës.
“Dje jam takuar me Bunjakin në Manchester. Ai ma ka treguar projektin e tij dhe më ka pëlqyer shumë. Ai më ka thënë se ka dëshirë të më ketë në ekip dhe unë kam pranuar që të jem pjesë e projektit të Kosovës. Do të luaj me zemër dhe do t’i gëzojmë tifozët e shumtë që kemi. E kemi bërë një ekip shumë të mirë dhe besoj në suksese ”, tha mesfushori i Cityt.
Deri tani Sinan Bytyçi ka qenë i grumbulluar me 21 vjeçarët e Austrisë, ku në 19 ndeshja ka realizuar 10 gola.