Callum Hudson-Odoi dëshiron të largohet nga Chelsea këtë verë në kërkim të minutave të rregullta në ekipin e parë.
Anësori ka një vit të mbetur në marrëveshjen e tij në “Stamford Bridge”, por po kërkon një klub të ri përpara sezonit të ardhshëm.
Reprezentuesi anglez kaloi sezonin e kaluar në huazim te Bayer Leverkusen, por është rikthyer te Chelsea, ku do të fillojë parasezonin.
22-vjeçari ka qenë te Chelsea që nga mosha tetë vjeç, por ai tani është i vendosur të largohet nga klubi i tij i fëmijërisë. Chelsea është i hapur për të dëgjuar ofertat për të diplomuarin e tyre në akademi gjatë afatit kalimtar.
Fulham dhe Milan janë ndër klubet që besohet se janë të interesuar për Hudsom-Odoi.