16.8 C
Prizren
E premte, 29 Mars, 2024

Cheryl ende e mban tatuazhin Mrs C në qafë!

CherylCole-kengetareKishte premtuar më parë se nuk do ta hiqte kurrë tatuazhin e saj “Mrs C” në pjesën e qafës, edhe pse ishte divorcuar nga bashkëshorti i parë i saj, Ashley Cole.

Por, për Cheryl Fernandez-Versini ndoshta mund të ketë ardhur koha ta rimendojë edhe njëherë artin trupor të saj, që i kujton thjesht ish-mbiemrin e saj nga martesa e parë, në një kohë që sapo është martuar me Jean-Bernard Fernandez-Versini.

Teksa merrte pjesë në një party, natën e së hënës, për të festuar martesën e saj të dytë, 2 javë më parë, me biznesmenin francez, veshja e saj “chic” shfaqte edhe njëherë tatuazhin e saj, të cilin nuk ishte munduar fare ta fshihte.

Cheryl, 31 vjeçe, i bëri “jehonën” e parë ish-mbrojtësit të majtë të Chelsea-t, 33-vjeçarit tashmë lojtar të Romës, gjatë Nëntorit të vitit 2007, 1 vit pasi ishin martuar së bashku, pikërisht me këtë tatuazh në qafë.

Por, ish-ylli i “Girls Aloud” nuk e dinte se 2 muaj pas këtij veprimi, parukierja e saj personale, Aimee Walton, do të deklaronte se kishte shoqëruar për 1 natë futbollistin, ish-bashkëshortin e saj, gjë që e detyroi atë të ndahej nga Ashley Cole në Shtator të 2010-s.

Megjithatë, këngëtarja nuk e hoqi atë tatuazh edhe gjatë kohës që ishte e lidhur me kërcimtarin amerikan, Tre Holloway, në 2012-n. Cheryl ka 12 tatuazhe në të gjithë trupin e saj, kryesori dhe më i madhi i të cilëve është ai me trëndafilat e kuq, i shtrirë nga mesi, në fundshpinën e saj, e që përfundon në kofshën e këmbës së majtë.

Më Shumë

Ekspozita fotografike/ Transformimi i Hamamit të Gazi Mehmed Pashës në Prizren

Drejtori i Qendrës Rajonale për Trashëgimi Kulturore në Prizren, Samir Hoxha, ka ftuar të gjithë që të vizitojnë Hamamin e Gazi Mehmed Pashës. “Ejani dhe...

“Messi i Prizrenit”, talenti që ishte afër transferimit në Manchester City

Në Prizren e thërrasin “Messi”. Shpesherë driblon bukur sikur Leo dhe dhuron magji me të majtën. Ylli Myrtezanin dhe kampionin e botës e lidh një fakt...

Lajmet e Fundit