Kryeministri i Serbisë, Ivica Daçiq ka rekomanduar në një prononcim për Radiotelevizionin e Serbisë (RTS), në prag të raundit të dytë të zgjedhjeve lokale në Kosovë, se më e rëndësishme është që ato zgjedhje të kalojnë të qeta, sepse nga çdo skenarë tjetër dëmin do ta pësonin edhe serbët në Kosovë edhe vet Serbia e cila do t’i paguante pasojat e veprimit të papërgjegjshëm.
Kryeministri serb edhe njëherë ka ripërsëritur, si edhe të gjithë zyrtarët tjerë të Beogradit, “se do të ishte mirë të fitojnë ata qëndrimet e të cilëve janë në kurisn e qëndrimeve të Qeverisë së Serbisë, në mënyrë që të mos kemi pengesa në lidhje, dhe në planifikimin e politikës së përbashkët”.
Pas zgjedhjeve, ka thënë kryeministri serb, më përpara do të pasojë jetësimi i marrëveshjes në fushën e policisë dhe gjyqësisë, pastaj hartimi i statusit të Bashkësisë së komunave serbe (BKS), dhe më pas do të përcaktohen edhe të gjitha detajet mbi funksionimin e saj. Ai edhe njëherë u ka rekomanduar bashkëkombësve në Kosovë se Serbia nuk ka humbur asgjë me Marrëveshjen e Brukselit me Prishtinën, kurse serbët që jetojnë atje kanë fituar mundësinë të formojnë BKS.
”Do të ia dal vetëm ai që zhvillon politikë reale e jo ai i cili i nis betejat dhe nuk mund t’i fitojë, dhe unë këtë e di më së miri sepse situata të tilla kam pa shumë herë në jetë”, ka thënë Daçiq duke cekur se ndaj aventurizmit të tillë mund të jetë i prirë individi, por rrezikut të tillë nuk guxon t’i ekspozohet i tërë populli.
Pyetjes nëse pret se Kosova do të apostrofohet në të gjitha 35 kaptinat në negociatat me BE, Daçiq i është përgjigjur se një gjë të tillë nuk e pret. “Kjo është e pamundshme sepse atëherë as nuk do të duhej të ekzistojë korniza negociatore, veç çdo kund do të shkruante vetëm Kosovë. Më duket se BE ka edhe disa vlera tjera”, ka nënvizuar Daçiq, transmeton RTK.